என்டிஆர், நீல் படத்தில் பிரபல பாலிவுட் நடிகர்!

தெலுங்கு நடிகர் ஜூனியர் என்டிஆர் தற்போது 'கே.ஜி.எப்' புகழ் பிரசாந்த் நீல் இயக்கத்தில் நடித்து வருகிறார். இது ஜூனியர் என்டிஆரின் 31வது படமாக உருவாகிறது. இப்படத்தை தற்காலிகமாக 'என்டிஆர் - நீல்' எனும் தலைப்பில் அழைக்கின்றனர். மைத்ரி மூவி மேக்கர்ஸ், என்டிஆர் ஆர்ட்ஸ் நிறுவனங்கள் இணைந்து இப்படத்தை தயாரிக்கின்றனர்.

இந்த படத்தில் கதாநாயகியாக ருக்மணி வசந்த் நடிக்கின்றார். வில்லன் கதாபாத்திரத்தில் டொவினோ தாமஸ் நடிப்பதாக இருந்தது. ஆனால், டொவினோ தாமஸ் கால்ஷீட் ஒதுக்க முடியாமல் வெளியேறியதால் அந்த கதாபாத்திரத்தில் நடிக்க பல நடிகர்களுடன் பேச்சுவார்த்தை நடத்தி வருகின்றனர். அந்த வகையில் தற்போது பாலிவுட்டில் இளம் நாயகன் ஆன சாகித் கபூர் உடன் பேச்சுவார்த்தை நடைபெற்று வருகிறது என தகவல் வெளியாகியுள்ளது.