2026ல் ஹாட்ரிக் 200 கோடி : சூர்யாவின் அடுத்த படம் எப்போது ரிலீஸ்?

தமிழ் சினிமாவில் தொடர் தோல்விகளால் தடுமாறி வந்த சூர்யா, இந்த 2026ம் வருடத்தில் அடுத்தடுத்து மூன்று படங்களில் வெற்றியைத் தந்து ஹாட்ரிக் 200 கோடி வசூலையும் பெற்றுள்ளார். கடந்த வாரம் வெளியான 'சீன்' படம் தொடர்ந்து ஓடிக் கொண்டிருக்கிறது. 250 கோடி வசூலை நிச்சயம் கடக்கும் என்று எதிர்பார்க்கப்படுகிறது.

சூர்யா தற்போது அவரது 48வது படத்தில் நடித்து வருகிறார். 'ஜெய் பீம்' படத்திற்கு பிறகு தசெ ஞானவேல் இயக்கும் இந்தப் படத்தில் சூர்யா ஜோடியாக கயாடு லோஹர் நடிக்கிறார். சாய் அபயங்கர் படத்திற்கு இசையமைக்கிறார்.

இப்படத்தின் அதிகாரப்பூர்வ அறிவிப்பு கடந்த ஜுன் மாதம் வெளியானது. 'கேஜிஎப்' படங்களைத் தயாரித்த ஹொம்பாலே பிலிம்ஸ் இப்படத்தைத் தயாரிக்கிறது. இப்படத்தின் படப்பிடிப்பு தற்போது வெளிநாட்டில் நடந்து வருவதாகத் தகவல்.

2027ல் கோடை விடுமுறையில் படத்தை வெளியிட திட்டமிட்டுள்ளதாகச் சொல்கிறார்கள். இந்த ஆண்டில் சூர்யாவின் மூன்று படங்கள் வெற்றி பெற்றுள்ளதால் சூர்யாவின் 48வது படத்திற்கு இந்த வெற்றி பிளஸ் பாயின்ட் ஆக அமைந்துள்ளது.