சாமியாடும் ரசிகர்கள்: நடிகர் சூர்யா வேண்டுகோள்
ஆர். ஜே பாலாஜி இயக்கத்தில் சூர்யா நடித்த 'கருப்பு' படத்தில் கருப்பசாமி வரும் காட்சிகளில் சிலர் சாமி ஆடுகிறார்கள். அவர்களுக்கு உதவி செய்ய வேண்டும். அப்போது வீடியோ எடுக்க கூடாது என நடிகர் சூர்யா வேண்டுகோள் விடுத்துள்ளார்.
அவர் தெரிவித்ததாவது: கருப்பு திரைப்படத்திற்கு ஏற்பட்ட தடைகளைத் தாண்டி முழு ஆதரவு தந்து, வெற்றிகரமாகத் திரையிட்டுவரும் என் அன்பிற்குரிய திரையரங்க உரிமையாளர்கள், ஊழியர்கள் மற்றும் வெளியீட்டிற்கு உறுதுணையாக இருந்த தயாரிப்பாளர் சங்க நிர்வாகிகள், விநியாகஸ்தர் சங்க நிர்வாகிகள் அனைவருக்கும் எனது மனமார்ந்த நன்றிகள்!
மேலும், திரையரங்குகளில் கருப்பசாமியைக் கண்டு பரவசமடைபவர்களுக்கு, உரிய முதலுதவி வழங்கி உதவுமாறு அன்புடன் கேட்டுக்கொள்கிறேன். அந்த நேரத்தில் மற்றவர்கள் அதை வீடியோ எடுப்பதைத் தவிர்க்குமாறு அறிவுருத்த அன்போடு வேண்டுகிறேன். இவ்வாறு தெரிவித்துள்ளார்.