அமெரிக்காவுடன் வர்த்தக ஒப்பந்தம் ஏற்படுமா? நடப்பு, 2025ம் ஆண்டு, எதிர்பாராத வளர்ச்சியை துவக்கத்தில் வழங்கியது; ஆகஸ்ட் மாதத்தில் இருந்து அதிர்ச்சியான இடையூறுகளும் ஏற்பட்டன. திருப்பூரில் நடத்திய, ஜவுளி மற்றும் தொழில்நுட்ப கண்காட்சிகள், பசுமை சார் ஆடை உற்பத்திக்கு வழிகாட்டியது. சரியான நேரத்தில், சரியான வாய்ப்பு உருவாகிக்கொண்டிருந்த போது, திடீரென அமெரிக்க வரி உயர்வு சோதனையாக மாற்றிவிட்டது. ஐரோப்பிய நாடுகளுக்கான ஆடை ஏற்றுமதி தான் அதிகம் கை கொடுத்தது. கொரோனாவுக்கு பிறகு, சீன ஆர்டர்கள் நமக்கு திரும்பியதால், அமெரிக்காவுடன் ஏற்றுமதி அதிகரித்தது. மற்ற நாடுகளை காட்டிலும், அமெரிக்க ஆர்டர்கள் அதிகபட்ச ஆடைகளை கொள்முதல் செய்யும் பெரிய ஆர்டர்கள். மற்ற நாடுகளுடன் மூன்று ஆர்டர் பெறுவதும், அமெரிக்காவில் ஒரு ஆர்டர் பெறுவதும் சமம். மத்திய அரசு அறிவித்த திட்டங்கள் நடைமுறைக்கு வந்தாலும் அதிக பயனிருக்காது. 'போக்கஸ் மார்க்கெட்' திட்டத்தில், அமெரிக்க ஏற்றுமதி வர்த்தகத்தை தொடர்ந்தால் மட்டுமே, பழைய வர்த்தக உறவை தக்கவைக்க முடியும். புதிய வர்த்தக ஒப்பந்தங்கள், எதிர்கால வளர்ச்சிக்கு உதவியாக இருக்கும். அமெரிக்காவுடன் விரைவில், வர்த்தக ஒப்பந்தம் ஏற்பட வேண்டும். 'தை பிறந்தால் வழி பிறக்கும்' என்பது போல், 2026ம் ஆண்டு பிறப்பு, திருப்பூர் பின்னலாடை ஏற்றுமதியாளரை சூழ்ந்திருக்கும் சவால்களை முறியடிப்பதாகவும், அமெரிக்க வரி உயர்வை வெற்றிகொள்வதாகவும் அமையும் என்று நம்பிக்கையுடன் காத்திருக்கிறோம். - திருப்பூர் பின்னலாடை ஏற்றுமதியாளர்கள்.