↓மதுரை: கேரளா ஆரியங்காவு தர்ம சாஸ்தா கோயிலில் திருக்கல்யாண மண்டல மகா உற்ஸவ பூஜைகள் நிறைவுற்றன. அனைத்து சாஸ்தா கோயில்களிலும் நேற்று மண்டல மகா உற்ஸவம் நடந்தது. அதையொட்டி ஆரியங்காவில் அதிகாலை 4:30 மணிக்கு கோயில் நடை திறக்கப்பட்டது. காலை 8:00 மணிக்கு தாந்திரீக முறையிலான கலச பூஜை, களப கலச பூஜை சடங்குகள் துவங்கின. கோகுலத்துமடம் தந்திரி சம்பு போத்தி பூஜைகளை நடத்தினார்.