இந்த கால்வாயை பொதுப்பணித் துறையினர், முறையாக துார்வாரி பராமரிக்கவில்லை. இதனால், செடி, கொடிகள் படர்ந்து காய்வாய் துார்ந்துள்ளது.

இந்த நிலையில், தற்போது பெய்துவரும் மழையால், கால்வாயில் மழைநீர் செல்ல வழியின்றி, டி.கே. நாயுடு நகர் குடியிருப்புகளை சூழ்ந்தது. மேலும், தொடர்ந்து மழை அதிகரித்தால், ஏரியில் இருந்து மழைநீர், கால்வாய் வழியே வெளியேற்றப்படும். இதனால், குடியிருப்புகளில் வெள்ள நீர் சூழ்ந்து, மக்களின் இயல்பு வாழ்க்கை பாதிப்படையும்.

இதையடுத்து, கால்வாயில் உள்ள செடி, கொடிகளை ஜே.சி.பி., இயந்திரத்தின் வாயிலாக அகற்றும் பணியின் ஸ்ரீபெரும்புதுார் பேரூராட்சி நிர்வாகத்தினர் ஈடுபட்டு வருகின்றனர்.