கள்ளக்குறிச்சி மார்க்கெட் கமிட்டிக்கு நேற்று மக்காச்சோளம் 160 மூட்டை, வேர்க்கடலை 15, எள் 10, கம்பு, ராகி தலா 3, தேங்காய் பருப்பு ஒரு மூட்டை என 192 மூட்டை விளை பொருட்களை விவசாயிகள் கொண்டு வந்தனர்.

சராசரியாக ஒரு மூட்டை மக்காச்சோளம் 1,901, வேர்க்கடலை 8,757, எள் 7,680, கம்பு 3,456, ராகி 3,261, தேங்காய் பருப்பு 13,760 ரூபாய்க்கு கொள்முதல் செய்யப்பட்டது. கமிட்டியில் நேற்று மொத்தமாக 5 லட்சத்து 46 ஆயிரத்து 226 ரூபாய்க்கு வர்த்தகம் நடந்தது.

இதேபோல், சின்னசேலம் மார்க்கெட் கமிட்டிக்கு மக்காச்சோளம் 120 மூட்டைகள் கொள்முதல் செய்யப்பட்டது. ஒரு மூட்டை மக்காச்சோளம் 1,942 ரூபாய் என மொத்தம் 2 லட்சத்து 44 ஆயிரத்து 195 ரூபாய்க்கு வர்த்தகம் நடந்தது.

தியாகதுருகம் கமிட்டியில் நெல் 25 மூட்டை, மக்காச்சோளம் 15, கம்பு 14, உளுந்து ஒரு மூட்டை என மொத்தம் 55 மூட்டை வரத்து இருந்தது. சராசரியாக நெல் 2,250 ரூபாய், மக்காச்சோளம் 1,950, கம்பு 3,550, உளுந்து 4,500 ரூபாய்க்கு கொள்முதல் செய்யப்பட்டது. மொத்தம் ஒரு லட்சத்து 21 ஆயிரத்து 194 ரூபாய்க்கு வர்த்தகம் நடந்தது.