வடபழனி முருகன் கோவிலில், இந்தாண்டிற்கான நவராத்திரி விழா, 22ம் தேதி துவங்கி அக்., 1ம் தேதி வரை, 'சக்தி கொலு' எனும் பெயரில் விமரிசையாக நடக்க உள்ளது.

விழாவின்போது, தினமும் காலை 11:00 மணி முதல் 11:30 மணி வரையும், மாலை 6:00 மணி முதல் 6:30 மணி வரையும் அம்மன் கொலு மண்டபத்தில், சிறப்பு பூஜை, தீபாராதனை நடத்தப்படும்.

மாலை 5:00 மணி முதல் 7:00 மணி வரை லலிதா சகஸ்ரநாம பாராயணம், வேதபாராயணம், திருமுறை பாராயணம், மகளிர் குழுவினர் கொலுபாட்டு நடத்தப்ப டுகிறது. அதுமட்டுமல்லாமல், மாலை 6:00 மணிக்கு பரதநாட்டிய நிகழ்ச்சிகள், இரவு 7:00 மணிக்கு நாசங்கீர்த்தனம், இசை கச்சேரி, ஆன்மிக சொற்பொழிவு நடத்தப்படுகிறது.

ஏக தின லட்சார்ச்சனை வரும், 28ம் தேதி மாலை 6:00 மணி முதல் 7:00 மணி வரை சிறப்பு திருமுறை பாராயணம், அடுத்த நாள் மாலை 4:15 மணிக்கு மகளிரின் லலிதா சகஸ்ரநாம பாராயணம் நடக்கிறது.

நவராத்திரி சிறப்பு நிகழ்வாக, மீனாட்சி அம்மனுக்கு, 26ம் தேதி காலை 7:30 மணி முதல் நண்பகல் 12:00 மணி வரையிலும், மாலை 4:30 மணி முதல் இரவு 8:30 மணிவரையிலும் ஏகதின லட்சார்ச்ச னை நடக்க உள்ளது.

இதில், பங்கேற்க விரும்புவோர், கோவில் அலுவலகத்தில், 250 ரூபாய் கட்டணம் செலுத்தி ரசீது பெற்றுக் கொள்ளலாம்.

கொலு பார்வை நேரம் கொலுவை காலை 6:30 மணி முதல் மதியம் 12:30 மணிவரையும், மாலை 4:30 மணி முதல் இரவு 9:30 மணி வரையும் பார்வையிடலாம். கண்காட்சி நேரத்தில், ஆன்மிக வினாடி - வினா நடத்தப்படும்.

அதில் பங்கேற்பவர்களுக்கு பரிசுகள் வழங்கப்படும் என, கோவில் நிர்வாகத்தினர் தெரிவித்துள்ளனர்.