சீனாவில், பெண்களுக்கான ஆசிய கோப்பை ஹாக்கி 11வது சீசன் நடக்கிறது. இதன் பைனலுக்கு சீனா, ஏற்கனவே முன்னேறியது. 'சூப்பர்-4' போட்டியில் இந்தியா, ஜப்பான் அணிகள் மோதின. இது, இந்தியாவின் நவ்னீத் கவுர் பங்கேற்ற 200வது சர்வதேச போட்டியானது.

ஆட்டத்தின் 7வது நிமிடத்தில் இந்தியாவின் பியூட்டி டங் டங், ஒரு 'பீல்டு' கோல் அடித்தார். முதல் பாதி முடிவில் இந்திய அணி 1-0 என முன்னிலையில் இருந்தது. கடைசி நேரத்தில் (58வது நிமிடம்) எழுச்சி கண்ட ஜப்பான் அணிக்கு ஷிஹோ கோபயகாவா, ஒரு 'பீல்டு' கோல் அடித்து பதிலடி கொடுத்தார். முடிவில் போட்டி 1-1 என 'டிரா' ஆனது. இரு அணிகளுக்கும் தலா ஒரு புள்ளி வழங்கப்பட்டது.

மற்றொரு 'சூப்பர்-4' போட்டியில் சீனா, தென் கொரியா அணிகள் மோதின. இதில் சீனா 1-0 என்ற கோல் கணக்கில் வெற்றி பெற்றது.

'சூப்பர்-4' சுற்றின் முடிவில், ஒரு வெற்றி, ஒரு 'டிரா', ஒரு தோல்வி என, 4 புள்ளிகளுடன் 2வது இடம் பிடித்த இந்தியா பைனலுக்குள் நுழைந்தது. 'ஹாட்ரிக்' வெற்றியுடன் சீனா (9 புள்ளி) முதலிடத்தை கைப்பற்றியது. இன்று நடக்கும் பைனலில் இந்தியா, சீனா அணிகள் மோதுகின்றன.