'எல்லோ எல்லோ டர்ட்டி பெல்லோ' படத்தின் பர்ஸ்ட் லுக்: விஷ்ணு விஷால் வெளியீடு

நடிகர் விஷ்ணு விஷாலின் தம்பி ருத்ரா, 'ஓஹோ எந்தன் பேபி' என்ற படத்தில் அறிமுகமானார். கிருஷ்ணகுமார் ராம்குமார் இயக்கிய அந்த படத்தை விஷ்ணு விஷாலே தயாரித்திருந்தார். இந்நிலையில் அந்த படத்தை அடுத்து தற்போது 'எல்லோ எல்லோ டர்ட்டி பெல்லோ' என்ற படத்தில் நடிக்கப் போகிறார் ருத்ரா.

காதல் கதையில் உருவாகும் இந்த படத்தை விக்கி பாஸ்கர் இயக்குகிறார். இப்படத்தில் ருத்ராவுக்கு ஜோடியாக ப்ரீத்தி அஸ்ராணி நடிக்கிறார். தனது தம்பி ருத்ரா நடிக்கும் இந்த இரண்டாவது படத்தையும் மற்றொரு நிறுவனத்துடன் இணைந்து தயாரிக்கும் நடிகர் விஷ்ணு விஷால் இன்று இப்படத்தின் பர்ஸ்ட் லுக் போஸ்டரை தனது எக்ஸ் பக்கத்தில் வெளியிட்டுள்ளார். அதோடு, இந்த படம் நிஜ வாழ்க்கைக்கும் திரைக்கும் இடையில் ஊசல் ஆடுவதை பற்றிய கதை என்றும் அவர் குறிப்பிட்டுள்ளார்.