பூஜா ஹெக்டேவின் நடிப்பில் இந்த ஆண்டு வெளியாகும் முதல் படம்

தமிழில் ராகவா லாரன்ஸ் இயக்கி நடித்து வரும் காஞ்சனா 4 படத்தில் நடித்து வருகிறார் பூஜா ஹெக்டே . இந்த நிலையில் தான் நடித்துள்ள சில படங்கள் அடுத்தடுத்து திரைக்கு வர இருப்பதால் அப்படங்களின் விளம்பர பணிகளிலும் அவர் தீவிரம் காட்டி வருகிறார். வருகிற ஜூன் ஐந்தாம் தேதி திரைக்கு வர உள்ள தனது பாலிவுட் படமாக ஹை ஜவானி தோ இஸ்க் ஹோனா ஹை என்ற படத்தை தற்போது வரும் தீவிரமாக விளம்பரப்படுத்தி வருகிறார். இந்த படம் இந்த 2026 ஆம் ஆண்டில் அவரது நடிப்பில் வெளியாகும் முதல் படமாகும்.

இதையடுத்து தமிழில் விஜய்யுடன் அவர் நடித்துள்ள ஜனநாயகன் ஜூன் மாதம் வெளியாகும் என்று எதிர்பார்க்கப்படுகிறது. இந்த படத்தின் ஹீரோவான விஜய் தற்போது முதலமைச்சராகி விட்டதால் இப்படம் திரைக்கு வரும்போது நடைபெறும் விளம்பர நிகழ்ச்சிகளில் பூஜா ஹெக்டே தான் அதிகமாக கலந்து கொள்வார் என்று கூறப்படுகிறது. இந்த நேரத்தில் தற்போது தெலுங்கில் துல்கர் சல்மான் நடிக்கும் 41வது படத்திலும் நடித்து வருகிறார் பூஜாஹெக்டே. அந்த படம் இந்த ஆண்டு இறுதியில் திரைக்கு வருகிறது.