இதில், 1 லிட்டர், 3 சிலிண்டர், என்.ஏ., பெட்ரோல் இன்ஜின் வந்துள்ளது. இந்த இன்ஜினுடன், 5 - ஸ்பீடு மேனுவல் மற்றும் ஏ.எம்.டி., ஆட்டோ கியர் பாக்ஸ் கிடைக்கிறது. மூன்றாவது வரிசை சீட்டை அகற்றி, ஐந்து சீட்டர் காராகவும் இதை பயன்படுத்தி கொள்ளலாம்.

'மேக்னைட்' காரில் வருவதை போன்ற கிரில், எல்.இ.டி., லைட்டுகள், 8 மற்றும் 7 அங்குல டிஸ்ப்ளேக்கள், ஒயர்லெஸ் போன் சார்ஜர், க்ரூஸ் கன்ட்ரோல், மூன்று வரிசைக்கும் ஏ.சி., வென்ட்டுகள், டூயல் ஜோன் ஆட்டோ ஏ.சி., 6 காற்று பைகள், ஜே.பி.எல்., 4 ஸ்பீக்கர் சவுண்ட் சிஸ்டம், டிராக்ஷன் கன்ட்ரோல், பார்க்கிங் சென்சார்கள் உள்ளிட்ட அம்சங்கள் இதில் இருக்கின்றன.

இந்த காருக்கு, 3 ஆண்டு அல்லது 1 லட்சம் கி.மீ., வரை அடிப்படை உத்தரவாதம் வழங்கப்படுகிறது. முதல் 5,000 வாடிக்கையாளர்களுக்கு, கார் பராமரிப்பு ஐந்து ஆண்டுகள் இலவசமாக வழங்கப்படுகிறது.