ப்ரீமியம் போன்களுக்கு நிகராக இந்தியா உட்பட சர்வதேச நாடுகளில் விற்பனை செய்து வரும் ஒன்பிளஸ் நிறுவனம், வரும் அக்டோபரில், ஒன்பிளஸ் பேட் கோ, இயர்பட்ஸ், ஒன்பிளஸ் ஏஸ் 3 என எக்கசக்க சாதனங்களை அறிமுகம் செய்ய திட்டமிட்டுள்ளது. குறிப்பாக, நீண்ட நாட்களாக வாடிக்கையாளர்கள் எதிர்பார்த்துக்கொண்டிருந்த ஒன்பிளஸ் ஏஸ் 3 மாடலை சீனா உட்பட உலக சந்தையில் இம்மாதம் அறிமுகம் செய்யவுள்ளதாக ஒன்பிளஸ் நிறுவனம் அறிவித்துள்ளது. விரைவில் இந்தியாவிலும் விற்பனைக்கு அறிமுகப்படுத்த திட்டமிட்டுள்ளது.

ஒன்பிளஸ் நிறுவனம் தனது ஏஸ் 3 மாடலை, இந்தியாவில், ஒன்பிளஸ் 12ஆர் (OnePlus 12R) எனும் பெயரில் அறிமுகப்படுத்துவதாக தெரிவித்துள்ளது. 6.74-இன்ச் ஒஎல்இடி (OLED) வசதி, 1.5 ரெசொலூஷன், 120 ஹெர்ட்ஸ் ரெஃப்ரெஷ் ரேட் உடன் கூடிய குவாலிட்டியான எச்டி டிஸ்ப்ளே வழங்கப்படவுள்ளது. அதுமட்டுமல்லாமல், குவால்காம் ஸ்னாப்டிராகன் 8 ஜென் 2 (Qualcomm Snapdragon 8 Gen 2) சிப்செட் வசதி வழங்கப்படவுள்ளது. ஒன்பிளஸ்-ன் பிரத்யேக கலர்ஓஎஸ் 14 (ColorOS 14) மூலம் இயங்கும்.

மேலும் இதில், அதிகபட்சமாக 24ஜிபி வரை ரேம் மற்றும் 1டிபி வரை ஸ்டோரேஜ் வசதி வழங்கப்படவுள்ளது. கேமராவை பொறுத்தவரை, இந்த ஒன்பிளஸ் ஏஸ்3 மாடலில் 50எம்பி சோனி ஐஎம்எக்ஸ்890 சென்சார் ( Sony IMX890 sensor) + 8எம்பி அல்ட்ரா வைடு ஓம்னிவிஷன் ஓவி8டி10 (OmniVision OV8D10) சென்சார் + 32எம்பி டெலிபோட்டோ சென்சார் என்கிற ட்ரிபிள் ரியர் கேமரா செட்டப்பைக் கொண்டுள்ளது. வீடியோ கால் அழைப்புகளுக்கு 16 எம்பி செல்ஃபி கேமரா வழங்கப்பட்டுள்ளதாக கூறப்படுகிறது.

இத்துடன், 5500 எம்ஏஎச் பேட்டரி மற்றும் 100 வாட்ஸ் ஃபாஸ்ட் சார்ஜிங் வசதி வழங்கப்பட்டுள்ளது. மேலும் இந்த ஒன்பிளஸ் ஏஸ் 3 மாடலின் விலை நிலவரம் குறித்த முழுமையான தகவல் வெளியாகவில்லை. இந்தியாவில் அறிமுகம் செய்யப்படும்பொழுது. இதன் முழு விலை நிலவரங்கள் குறித்த தகவல்கள் வெளியாகும்.