பிரேசிலில் டேபிள் டென்னிஸ் கன்டெண்டர் தொடர் நடக்கிறது. ஆண்கள் இரட்டையர் அரையிறுதியில் இத்தொடரின் 'நம்பர்-1' அந்தஸ்து பெற்ற இந்தியாவின் மனுஷ் ஷா, மானவ் தக்கார் ஜோடி, 3-2 என்ற செட் கணக்கில் (5-11, 11-9, 11-6, 8-11, 11-5) தென் கொரியாவின் ஹுவான் செங், குவான் ஹாங் ஜோடியை வீழ்த்தி, பைனலுக்கு முன்னேறியது.

கலப்பு இரட்டையர் அரையிறுதியில் இந்தியாவின் தியா, மனுஷ் ஜோடி, 3-0 என (11-7, 11-2, 11-7) சிலியின் நிகோலஸ், பவுலினா ஜோடியை சாய்த்து பைனலுக்குள் நுழைந்தது.

உலக டேபிள் டென்னிஸ் கன்டெண்டர் தொடரில் ஆண்கள் இரட்டையர், கலப்பு இரட்டையர் பிரிவுகளில் இந்தியா பைனலுக்கு முன்னேறியது இது தான் முதன் முறை.

பெண்கள் ஒற்றையர் இரண்டாவது சுற்றில் இந்தியாவின் மணிகா பத்ரா, சக வீராங்கனை தியாவை 3-1 என (11-9, 9-11, 11-9, 15-13) என வீழ்த்தினார்.