வங்கக்கடலில் உருவான காற்றழுத்த தாழ்வு நிலையால் கொடைக்கானல் மலைப்பகுதியில் 3 தினங்களாக இடைவிடாது மழை கொட்டியது. இதையடுத்து அங்குள்ள அருவிகளில் தண்ணீர் ஆர்ப்பரித்துக் கொட்டியது.நேற்று முன்தினம் இரவு பெய்த மழையில் தாண்டிக்குடி -வத்தலக்குண்டு ரோட்டில் புல்லா வெளியில் நிலச்சரிவு ஏற்பட்டது.

இதனால் 2:00 மணி நேரம் போக்குவரத்து பாதிக்கப்பட்டது. ஆத்துார் நெடுஞ்சாலைத்துறையினர் இடிபாடுகளை அகற்றி போக்குவரத்தை சீர் செய்தனர். கொடைக்கானல் வில்பட்டி ரோட்டிலும் நேற்று மதியம் நிலச்சரிவு ஏற்பட்டது. இங்கும் 2 மணி நேரம் போக்குவரத்து பாதிக்கப்பட்டது. நேற்று மதியத்திற்கு பின் மழை குறைய மேக மூட்டத்துடன் சீரான வானிலை நீடித்தது. காற்றில் ஈரப்பதம் அதிகரித்து குளிர் நிலவியது.