அரசுத் துறைகளில் உள்ள காலிப்பணியிடங்கள் தொகுப்பூதியம், மதிப்பூதியத்தில் நிரப்பாமல் நிரந்தர பணியிடங்களாக நிரப்ப வேண்டும். தமிழகத்தில் பஞ்சமி நிலங்களாக வகைப்படுத்தப்பட்டவைகளை, இதுவரை 1 ஏக்கர் கூட மீட்கப்படவில்லை. நீர்நிலை புறம்போக்கு நிலங்களில், பல தலைமுறைகளாக குடியிருப்பவர்களுக்கு மாற்று ஏற்பாடு எதுவும் செய்யப்படவில்லை. ஆனால், நீதிமன்ற உத்தரவை காரணம் காட்டி வெளியேற்றப்படுகின்றனர்.

அதேநேரம், அரசு அலுவலகங்கள், நீதிமன்றங்கள், அடுக்குமாடி குடியிருப்புகள் கட்டுவதற்கு, நீர்நிலை புறம்போக்கு நிலங்களை அரசே ஆக்கிரமித்து வருகிறது. கூட்டணி கட்சி என்பதால், ஆளும் தரப்பின் அனைத்து நடவடிக்கைகளையும் நியாயம் என சொல்ல முடியாது. போதைப்பொருள் புழக்கம் அதிகம் உள்ள மாநிலமாக தமிழகம் மாறியிருக்கிறது.

மனமகிழ் மன்றங்கள் புதிதாக துவங்கப்பட்டு, டாஸ்மாக் கடை திறக்கப்படாத நேரங்களில், மன்றங்களில் மதுபாட்டில்கள் கிடைக்கும்படி செய்துள்ளனர். இது, சமூக சீர்கேட்டிற்கு வழிவகுக்கப்பட்டுள்ளது. திருநெல்வேலி, ஈரோடு, கிருஷ்ணகிரி, புதுக்கோட்டை உட்பட பல்வேறு மாவட்டங்களில் கனிமவளக் கொள்ளையை எதிர்த்து போராடிய சமூக ஆர்வலர்கள் 13 பேர், சாலை விபத்து வாயிலாக கொல்லப்பட்டுள்ளனர்.

இவ்வாறு அவர் கூறினார்.