தி.மு.க., ஒன்றிய முன்னாள் செயலர் மற்றும் வழக்கறிஞர் ரமேஷ் பாபு, பாதிரியார் ராபின்சன் உட்பட 15 பேர் மீது இரணியல் போலீசார் வழக்கு பதிந்தனர்; சிலர் கைது செய்யப்பட்டனர்.

இந்நிலையில், மைலோடுவை சேர்ந்த சி.ஆர்.பி.எப்., வீரர் எட்வின் ஜோஸ், உயர் நீதிமன்றத்தில் முன்ஜாமின் மனு தாக்கல் செய்தார். அதை, நீதிபதி எஸ்.ஸ்ரீமதி விசாரித்தார்.

மனுதாரர் தரப்பு: சம்பவத்திற்கும் மனுதாரருக்கும் தொடர்பில்லை. மனுதாரர் சி.ஆர்.பி.எப்., வீரராக கோவையில் பணிபுரிகிறார். விடுமுறைக்காக சொந்த ஊர் வந்திருந்தார். அவரை வழக்கில் தவறாக போலீசார் சேர்த்துள்ளனர்.

இவ்வாறு தெரிவிக்கப்பட்டது.

அரசு தரப்பில், 'வீரருக்கு முன்ஜாமின் அனுமதிக்கக்கூடாது' என விவாதம் நடந்தது.

நீதிபதி: மனுதாரருக்கு முன்ஜாமின் அனுமதிக்கப்படுகிறது. மறு உத்தரவு வரும் வரை கோவை சிங்காநல்லுார் போலீசில் தினமும் காலை 10:30 மணிக்கு அவர் ஆஜராக வேண்டும்.

இவ்வாறு உத்தரவிட்டார்.