விபத்துகளில், 40 சதவீதம், 25 வயதுக்கு உட்பட்ட இளைஞர்களால் ஏற்படுவதால், வாகனங்களை பாதுகாப்பாக இயக்குதல், சாலை பாதுகாப்பு போன்றவை குறித்து மாணவர்களுக்கு பயிற்சி அளிக்க, போர்டு நிறுவனத்துடன் சென்னை ஐ.ஐ.டி., புரிந்துணர்வு ஒப்பந்தம் செய்துள்ளது. சாலை பாதுகாப்பு திறன் மையம் வாயிலாக விழிப்புணர்வு ஏற்படுத்தப்பட உள்ளது.

மிலாது நபி விடுமுறை, 16ம் தேதி அறிவிக்கப்பட்டிருந்த நிலையில், தற்போது 17ம் தேதியாக மாற்றப்பட்டுள்ளது. எனவே, அன்றைய தினம் பாஸ்போர்ட் சேவைக்காக முன்பதிவு செய்தோர், 16ம் தேதியன்று அதேநேரத்தில் சேவையை பெறலாம் என, சென்னை மண்டல பாஸ்போர்ட் அதிகாரி தெரிவித்துள்ளார்.