திசையன்விளை இட்டமொழியை சேர்ந்தவர் மகேஸ்வரன், ஆட்டோ டிரைவர். இவர் நேற்று முன்தினம் அதிகாலை தனது நண்பர்களுடன் சதுரகிரி சுந்தரமகாலிங்கம் கோயிலுக்கு சுவாமி தரிசனம் செய்ய வந்திருந்தார்.

தரிசனம் செய்துவிட்டு மதியம் 3:00 மணிக்கு கீழே இறங்கிய நிலையில் பச்சரிசி பாறை என்ற இடத்தில் நடந்து வந்தபோது மாரடைப்பு ஏற்பட்டு தவறி விழுந்து உயிரிழந்தார். போலீசார், வனத்துறையினர் அவரது உடலை மீட்டு உசிலம்பட்டி அரசு மருத்துவமனைக்கு அனுப்பி வைத்தனர். சாப்டூர் போலீசார் விசாரித்தனர்.