ச.ம.க.,வை கலைத்து பா.ஜ.,வில் சரத்குமார் இணைந்தார். இதையடுத்து அவரது மனைவி ராதிகாவிற்கு விருதுநகரில் போட்டியிட கட்சி வாய்ப்பளித்துள்ளது. இன்று முதல் அவர்கள் பிரசாரம் துவங்குகின்றனர்.

காலை 7:20 மணிக்கு விமானத்தில் மதுரை வரும் அவர்கள் திருப்பரங்குன்றம் முருகன் கோயிலில் சுவாமி தரிசனம் செய்கின்றனர். தொடர்ந்து திருப்பரங்குன்றம், திருமங்கலம், விருதுநகர், அருப்புக்கோட்டை, சாத்துார், சிவகாசியில் பா.ஜ., அலுவலகங்களுக்கு செல்கின்றனர். கட்சி நிர்வாகிகள், தொகுதியில் முக்கிய பிரமுகர்களை சந்திக்கின்றனர்.