விக்கிரவாண்டி தாலுகா, முட்ராம்பட்டு செந்தமிழ், முத்துலட்சுமி ரெட்டி, இளந்தென்றல், செம்பருத்தி, ராகவேந்திரா மற்றும் அன்னை தெராசா மகளிர் குழுவினர், நேற்று விழுப்புரம் கலெக்டரிடம் புகார் மனு அளித்தனர்.

மனு விபரம்:

முட்ராம்பட்டு கிராமத்தில் செயல்பட்டு வரும் செந்தமிழ் மகளிர் குழுவில், தமிழக அரசின் புதுவாழ்வு திட்டம் மூலம் 10 லட்சம் ரூபாய் கடன் பெற்று, முறையாக திருப்பி செலுத்தி வருகிறோம்.

தற்போது வரை 7 லட்சத்து 41 ஆயிரம் ரூபாய் கட்டியுள்ளோம். ஆனால், அந்த தொகையை, புதுவாழ்வு திட்ட ஊக்குனர், சரியாக வங்கியில் செலுத்துகிறாரா என தெரியவில்லை. இதுபோல் 6 மகளிர் குழுவினர்களும், திருப்பி செலுத்தும் பணம் அனைத்தும் முறையாக வங்கியில் செலுத்துப்படுகிறதா?, ஏமாற்றப்படுகிறதா என தெரியவில்லை. இது குறித்து, விசாரித்து நடவடிக்கை எடுக்க வேண்டும். இவ்வாறு மனுவில் கூறப்பட்டுள்ளது.