திருச்சி மாவட்டம், மணப்பாறை அருகே உள்ள செவலுார் கிராமத்தைச் சேர்ந்தவர் தயாநிதி. இவர் மொண்டிப்பட்டியில் உள்ள டி.என்.பி.எல்., நிறுவனத்தில் ஒப்பந்த தொழிலாளியாக பணியாற்றி வருகிறார். இவரது நான்கரை வயது மகன் கனகவேல். நேற்று மாலை, 3 மணியளவில், வீட்டின் முன் உள்ள தண்ணீர் தொட்டி அருகே கனகவேல் விளையாடிக் கொண்டிருந்தார். அப்போது தொட்டியின் ஒரு பக்க சுவர் இடிந்து, கனகவேல் மீது விழுந்தது. இதில் கனகவேல் சம்பவ இடத்திலேயே இறந்தார். இதுகுறித்து மணப்பாறை போலீசார் விசாரிக்கின்றனர்.