பல்லடம்; மொபைல் போன்கள் திருடு போவது இன்று வாடிக்கையாகி விட்டது. புகார் அளித்தால், போலீசார் இதை அலட்சியப்படுத்துவதாக போனை பறிகொடுத்தவர்கள் புகார் வாசிக்கின்றனர். போனை இழந்தவர்கள், உறவினர்கள், நண்பர்கள் என யாரையும் தொடர்பு கொள்ள முடியாத நிலை ஏற்படுகிறது. திருடி சென்றவர்கள் அதை சமூக விரோத செயலுக்கும் பயன்படுத்த வாய்ப்பு உள்ளது. போலீசார் இது போன்ற புகார்களுக்கு மனுக்கள் கூட பெறுவதில்லை என்ற குற்றச்சாட்டு உள்ளது. புகார் அளித்தாலும் விசாரணை மேற்கொண்டு காணாமல் போன போனை கண்டுபிடிப்பதிலும் ஆர்வம் காட்டுவதில்லை என்று பாதிக்கப்பட்டவர்கள் கூறுகின்றனர்.