அடுத்த மாதம் நடக்கும் தேர்தலில் தி.மு.க., கூட்டணி (இ.கம்யூ.,) திருப்பூரில் போட்டியிடுவது உறுதியாகியுள்ளது. அதே நேரம், அ.தி.மு.க., உறுதி செய்யாமல் உள்ளது. ம.நீ.ம., ராஜ்சபா சீட்டுடன் ஒதுங்கிக் கொண்டதால், போட்டியில்லை என்பது தெளிவாகியுள்ளது. நாம் தமிழர் வேட்பாளரை (சீதாலட்சுமி) ஏற்கனவே அறிவித்து விட்டது. பகுஜன்சமாஜ் தனித்து போட்டி என அறிவித்துள்ளது.

பா.ஜ., முடிவு என்ன என்பது இன்னமும் உறுதியாகமல் உள்ளது. கடந்த முறை சுயேட்சையாக, ஏழு பேர் போட்டியிட்டுள்ளனர். இம்முறை கட்சிகள் கூட்டணியில் இணைந்துள்ள நிலையில், சுயேட்சை எண்ணிக்கையும் குறையும் பட்சத்தில், ஒற்றை இலக்க நபர்களே எம்.பி., வேட்பாளர்களாக போட்டியிடும் சூழல் திருப்பூரில் உருவாக உள்ளது.