திருப்பூர் மாவட்ட லஞ்ச ஒழிப்பு போலீஸ் இன்ஸ்பெக்டர் கீதா லட்சுமி தலைமையிலான போலீசார், அவிநாசியில் உள்ள பத்திரப்பதிவு அலுவலகத்தில் நேற்று முன்தினம் மாலை திடீர் சோதனை மேற்கொண்டனர். ஐந்து மணி நேரம் நடந்த சோதனையில், சார்-பதிவாளர் வெங்கிடசாமி உட்பட, ஆறு பேரிடம் இருந்து கணக்கில் வராத, 1.84 லட்சம் ரூபாயை பறிமுதல் செய்தனர்.பணம் பறிமுதல் தொடர்பாக சார்-பதிவாளர் வெங்கிடசாமி, 56 மற்றும் பத்திர எழுத்தர், பத்திர எழுத்து அலுவலகம் நடத்தி வருபவர் உள்பட, ஆறு பேர் மீது போலீசார் நேற்று வழக்குப்பதிவு செய்தனர்.