இக்கோவில் பல ஆண்டுகளாக கும்பாபிஷேகம் நடத்தப்படவில்லை. திருப்பணி மேற்கொள்ள பக்தர்கள் மேற்கொண்ட முயற்சிகளிலும் இடையூறுகள் ஏற்பட்டு வந்த நிலையில், நேற்று பக்தர்கள் ஆலோசனை மேற்கொண்டனர்.

கூட்டம் குறித்து பக்தர்கள் கூறியதாவது:

மாற்று மதத்தினர் காலணி கடை நடத்த அறநிலையத்துறை அனுமதி வழங்கி உள்ளது. கடை உரிமையாளர்கள் தங்கள் சொந்த செலவில் கடைகளை கட்டி, தாங்களே அதை வைத்துக் கொள்வதாக தீர்மானித்துள்ளது தவறான முன்னுதாரணமாக ஆகிவிடும்.

எனவே, கோவில் கமிட்டி சார்பில் கடைகள் கட்டப்படுவதுடன், விதிமுறை மீறி செயல்படும் காலணி கடையை அனுமதிக்க கூடாது. அறநிலையத்துறையின் மோசமான செயல்பாடுகளால் கோவில் திருப்பணி நீண்ட காலமாக தடைபட்டு வருகிறது.

இவ்வாறு அவர்கள் கூறினர்.