திருப்பத்தூர் மாவட்டம் ஆம்பூர் அருகே மாதனூர் ஒன்றியம் மேற்கு மாவட்டம் சார்பில் முன்னாள் முதல்வர் எம்.ஜி.ஆர்.,-ன் 107வது பிறந்த நாள் விழா கொண்டாட ஏற்பாடு செய்யப்பட்டது. இதில் கீழ்மிட்டாளம் கிளை கழகம் சார்பில் பிளக்ஸ் பேனர் வைக்கப்பட்டது.

அதில், எம்ஜிஆர் புகைப்படத்திற்கு பதிலாக, திரைப்படம் ஒன்றில் அவர் வேடத்தில் நடித்த நடிகர் அரவிந்தசாமி புகைப்படத்தை பிரிண்ட் செய்து வைத்துள்ளனர்.

இந்தப்படம் சமூக வலைதளங்களில் வெளியாகி வைரலாக துவங்கியது. பலரும் கடுமையாக விமர்சிக்க துவங்கினர். கட்சியின் நிறுவனர் யார் என தெரியாமல், அவர் வேடத்தில் நடித்த நடிகரின் புகைப்படத்தை ஒட்டியது எப்படி என சரமாரியாக கேள்வி எழுப்ப துவங்கினர்.

இதனையடுத்து, அந்த பிளக்ஸ் பேனரில், அரவிந்தசாமி படத்தின் மீது எம்.ஜி.ஆர்., புகைப்படத்தை ஒட்டி மறைத்துள்ளனர். அ.தி.மு.க., நிர்வாகிகளின் இந்த குளறுபடி கட்சியின் அடிமட்ட தொண்டர்களை வேதனை அடைய வைத்துள்ளது.