துாத்துக்குடி : துாத்துக்குடி மாவட்டம், சாத்தான்குளம் காவல் நிலைய இன்ஸ்பெக்டர் ராஜ், 58, நேற்று மாலை காவல் நிலையத்தில் பணியில் இருந்த போது, திடீரென நெஞ்சு வலிப்பதாக போலீசாரிடம் கூறினார். உடனே அவரை தனியார் மருத்துவமனைக்கு அழைத்துச் சென்றனர். முதலுதவி சிகிச்சை அளிக்கப்பட்ட நிலையில், மேல் சிகிச்சைக்காக நாகர்கோவில் கொண்டு செல்ல முயன்றனர். ஆனால், சிறிது நேரத்தில் ராஜ் மாரடைப்பால் உயிரிழந்தார்.