விவசாயிகள் சங்கத் தலைவர் பில்லத்தி கிருஷ்ணதேவர்,பா.ஜ.,கவுன்சிலர் முனியசாமி (எ) நமகோடி தலைமையில் மானாமதுரை தாசில்தார் கிருஷ்ணகுமாரிடம் மனு வழங்கினர்.

அதில் கூறியிருப்பதாவது: மானாமதுரை தாலுகாவிற்குட்பட்ட கே.கே. பள்ளம் குரூப் சர்வே நம்பர் 287ல் களம் மற்றும் கால்வாய் வழியாக செல்லும் வரத்து கால்வாய் மூலம் உடப்பங்குளம், செய்யாலுார், கே.கே.பள்ளம், விளாக்குளம், பீக்குளம் உள்ளிட்ட 5 கிராம கிராமங்களில் உள்ள 400 ஏக்கர் நிலங்கள் பாசன வசதி பெற்று வருகின்றன.

இந்நிலையில் இக்கால்வாய் மற்றும் களம் அமைந்துள்ள பகுதியை வெளி மாநிலத்தைச் சேர்ந்த சிலர் ஆள்மாறாட்டம் செய்தும் போலியாக பத்திரம் பதிவு செய்தும் கால்வாய் மற்றும் களம் இருந்த இடங்களை ஆக்கிரமித்து சுற்றி வேலி அமைத்துள்ளனர்.

கால்வாய் மூடியுள்ளதால் மேற்கண்ட கிராமங்களில் தற்போது நெல் விவசாயம் நடைபெறும் நேரத்தில் பயிர்களுக்கு உரிய தண்ணீர் கிடைக்காமல் பயிர்கள் கருகி வருகிறது.

விசாரணை நடத்தி நடவடிக்கை எடுக்க வேண்டுமென அதில் குறிப்பிட்டுள்ளனர்.