இடைப்பாடி: சேலம் மாவட்டம் இடைப்பாடி அருகே மொரசப்பட்டியில் செயல்படும் தனியார் கல்வியியல் கல்லுாரி மாணவர்கள், 80 நாள் கற்றல், கற்பித்தல் பயிற்சிக்கு, கடந்த ஆண்டு செப்டம்பரில் பல்வேறு பள்ளிகளுக்கு அனுப்பப்பட்டனர். அதில், 16 பேர், இடைப்பாடி அரசு ஆண்கள் மேல்நிலைப்பள்ளிக்கு வந்தனர். அதில், 3 பேர் பயிற்சிக்கு வராத நிலையில், வருகைப்பதிவேட்டில் கையெழுத்திட்டதாக புகார் எழுந்தது. இதுகுறித்து சில மாணவர்கள், முதன்மை கல்வி அலுவலருக்கு புகார் அனுப்பியதோடு, தகவல் அறியும் உரிமை சட்டத்திலும் பதில் கேட்டிருந்தனர்.