ஆத்துார்: அனுமதியின்றி கள பயிற்சிக்கு சென்ற, 5 மாணவி உள்பட, 14 பேர் வீடு திரும்பிய நிலையில் உயர்கல்வித்துறை அதிகாரிகள் விசாரிக்கின்றனர்.சேலம் மாவட்டம் ஆத்துார் அருகே வடசென்னிமலை அறிஞர் அண்ணா அரசு கலைக்கல்லுாரியில், பி.எஸ்சி., தாவரவியல் மூன்றாமாண்டு படிக்கும், 5 மாணவியர், 9 மாணவர்கள், கடந்த, 9ல் கள பயிற்சியாக கோவை வேளாண் பல்கலை, ஊட்டி தாவரவியல் பூங்காவுக்கு சென்றனர். அனுமதியின்றி கவுரவ விரிவுரையாளர்கள் மணிகண்டன், சுபாஷ் அழைத்துச் சென்றதாக சர்ச்சையானது. மேலும் இரு மாணவியர் மாயமானதாக தகவல் பரவ, பெற்றோர் பரிதவித்தனர். மாணவ, மாணவியர், 14 பேரும் நேற்று வீடுகளுக்கு திரும்பினர்.