அப்போது, வேட்பாளர் மலையரசன் பேசியதாவது:

கள்ளக்குறிச்சி லோக்சபா தொகுதி வேட்பாளராக போட்டியிடும் எனக்கு, கடந்த, 30ல், முதல்வர் ஸ்டாலின் பிரசாரம் செய்தார். தி.மு.க., தேர்தல் வாக்குறுதிகள், மத்திய அரசின் நிர்வாக சீர்கேடுகளை எடுத்துரைத்தார். கட்சியினர் அதிகளவில் பங்கேற்றது மகிழ்ச்சியளிக்கிறது.

வெற்றி பெற்ற பின், உங்களின் ஒருவனாக இருந்து தொகுதி வளர்ச்சி பணிகள் மேற்கொள்வேன். தி.மு.க., ஆட்சி பொறுப்பேற்ற பின், அனைத்து குடும்பங்களுக்கும் அரசு திட்டங்கள் சென்றடைந்துள்ளது. முதல்வர் ஸ்டாலின் அறிவித்த திட்டங்களை மக்களுக்கு எடுத்துரைத்தால் போதும்.

தமிழக உரிமைகளை மீட்பதற்காக, முதல்வர் ஸ்டாலின் மக்களிடம் தேர்தல் பிரசாரம் செய்து வருகிறார். கள்ளக்குறிச்சி தொகுதியில் அதிகளவில் திட்டங்கள் மேற்கொள்வதற்கு நடவடிக்கை எடுக்கப்படும்.

இவ்வாறு அவர் பேசினார்.

தி.மு.க., சேலம் கிழக்கு மாவட்ட செயலர் சிவலிங்கம், மாவட்ட பொருளாளர் ஸ்ரீராம், மாவட்ட நெசவாளர் அணி அமைப்பாளர் ஆறுமுகம், ஒன்றிய செயலாளர் அன்பு, பேரூர் செயலாளர் வெங்கடேஸ்வரன், கூட்டணி கட்சியினர் உள்பட பலர் கலந்து கொண்டனர்.