காவடி ஊர்வலம்

கெங்கவல்லி அருகே தம்மம்பட்டி பஸ் ஸ்டாண்ட் பகுதியில் உள்ள சிவசுப்ரமணியர் கோவிலில் நேற்று ஆடிப்பெருக்கு பண்டிகையையொட்டி சிறப்பு பூஜை நடந்தது. தொடர்ந்து, 10க்கும் மேற்பட்டோர் காவடி சுமந்து முக்கிய வீதிகள் வழியே ஊர்வலமாக சென்று கோவிலை அடைந்தனர். ஏராளமான பக்தர்களும் பங்கேற்றனர். போலீசார் பாதுகாப்பு பணியில் ஈடுபட்டனர்.

தேரோட்டம் கோலாகலம்

தாரமங்கலம், மாட்டையாம்பட்டி அருகே வைரமுனீஸ்வரன் கோவிலில் தேரோட்டம் நேற்று நடந்தது. மதியம், 12:00 மணிக்கு மேல், வைரமுனீஸ்வரன் சுவாமியை தேரில் எழுந்தருள செய்தனர்.

தொடர்ந்து மலையை சுற்றி, பக்தர்கள் தேரை வடம் பிடித்து இழுத்துச்சென்று, கோவிலில் நிலை நிறுத்தப்பட்டது.