ஆர்.எஸ்.மங்கலம் ஆனந்துாரில் இருந்து தேவகோட்டை செல்வதற்கு ரோடு வசதி உள்ளது. இந்த ரோட்டில் 30க்கும் மேற்பட்ட கிராமத்தினர் பயனடைகின்றனர். இத்தகைய முக்கியத்துவம் வாய்ந்த ரோட்டில் ஆனந்துார் அரசு மேல்நிலைப்பள்ளி பகுதியில் உள்ள வளைவு ரோட்டில் எதிர்வரும் வாகனங்கள் தெரியாத வகையில் விபத்துக்கள் தொடர்கின்றன.

இதனால் பள்ளி மாணவர்களும், அவ்வழியாக செல்லும் பொதுமக்களும் தினமும் பாதிக்கப்படும் சூழல் உள்ளது. இதனால், அப்பகுதியில் ஏற்படும் விபத்துக்களை தடுக்கும் விதமாக பள்ளி வளைவு ரோட்டில் எதிர் எதிரே வரும் வாகனங்கள் விபத்துகளில் சிக்காத வகையில் சென்டர் மீடியன் அமைக்க அதிகாரிகள் நடவடிக்கை எடுக்க வேண்டும் என அப்பகுதி மக்களும், வாகன ஓட்டிகளும் வலியுறுத்தினர்.