கோயிலில் மார்ச் 25ல் பங்குனி உத்திரத்தன்று சவுந்தரவல்லி தாயார், சுந்தரராஜ பெருமாளுக்கு திருக்கல்யாணம் நடந்தது.

தினமும் பெருமாள், தாயார் ஊஞ்சல் சேவையில் அருள் பாலித்தனர்.

நேற்று முன்தினம் காலை அபிஷேக ஆராதனைகள் நடந்தது.

தொடர்ந்து மாலை 6:00 மணிக்கு சுந்தரராஜ பெருமாள் அமர்ந்த கோலத்தில் பூப்பல்லக்கில் எழுந்தருளினார்.

மேலும் ஸ்ரீதேவி, பூதேவி தாயாருடன் பக்தர்களின் 'கோவிந்தா' கோஷம் முழங்க கோலாகலமாக வீதி உலா வந்தார்.

மேளதாளம் முழங்க வாண வேடிக்கைகளுடன் பவனி வந்த பெருமாள் இரவு 12:00 மணிக்கு கோயிலை அடைந்தார்.

*இதே போல் எமனேஸ்வரம் பெருந்தேவி தாயார், வரதராஜ பெருமாளுக்கு திருக்கல்யாண உற்ஸவம் நடந்தது.

தொடர்ந்து 5ம் நாளான நேற்று முன்தினம் இரவு பூப்பல்லக்கில் தாயார், பெருமாள் உடன் வீதி உலா வந்தார்.

ஏராளமான பக்தர்கள் தரிசனம் செய்தனர்.