பரமக்குடி புதுநகரில் 18ம் படி கருப்பண்ண சுவாமி கோயிலில் நேற்று முன்தினம் மாலை கருப்பண்ண சுவாமிக்கு பால், பன்னீர் உள்ளிட்ட பல வகை அபிஷேகங்கள் நடத்தப்பட்டன. தொடர்ந்து விபூதி அலங்காரம் செய்யப்பட்டு 18 படிகளில் சூடம் ஏற்றி மகா தீபாராதனை காண்பிக்கப்பட்டது.

*பரமக்குடி எமனேஸ்வரம் அனுமார் கோயிலில் மூலவருக்கு அபிஷேகம் நடந்தது. பின்னர் வெண்ணெய்யில் செந்துார அலங்காரம் செய்யப்பட்டது. தொடர்ந்து மகா தீபாராதனை காண்பிக்கப்பட்டு பக்தர்களுக்கு பிரசாதங்கள் வழங்கப்பட்டன.

இதேபோல் பல்வேறு கோயில்களில் அமாவாசை நாளில் சிறப்பு அபிஷேகம், அலங்காரம் நடந்தது.