மதுரை-தொண்டி நெடுஞ்சாலையில் வாகனங்களின் வேகத்தை கட்டுப்படுத்தும் விதமாக திருவாடானை அரசு கலைக்கல்லுாரி முன்பு மாணவர்களின் பாதுகாப்பிற்காக பேரிகார்டுகள் அமைக்கப்பட்டது.

அந்த பேரிகார்டுகளை இரவில் சில சமூகவிரோதிகள் அருகில் உள்ள கண்மாய்க்குள் துாக்கி வீசினர். இதுகுறித்து தினமலர் நாளிதழில் படத்துடன் செய்தி வெளியானது. இதன் எதிரொலியாக மீண்டும் பேரிகார்டுகள் வைக்கப்பட்டது.

டி.எஸ்.பி., நிரேஷ் கூறுகையில், பேரிகார்டுகளை யாராவது கண்மாய்க்குள் துாக்கி வீசும் செயலில் ஈடுபட்டால் அவர்கள் உடனடியாக கைது செய்யப்பட்டு சிறையில் அடைக்கப்படுவார்கள் என்றார்.