அப்பகுதி மீனவர்கள் தகவலின் பேரில் கீழக்கரை வனச்சரக அலுவலர் செந்தில்குமார், வனவர் கனகராஜ் மற்றும் வேட்டை தடுப்பு காவலர்கள் இறந்த டால்பினை மீட்டனர். ஏர்வாடி கால்நடை மருத்துவர் பரிசோதனை செய்தார்.

வனத்துறையினர் கூறுகையில் 2 நாட்களுக்கு முன்பு பெய்த கோடை மழையால் கடலில் ஏற்பட்ட தட்பவெப்ப சீதோஷ்ண நிலையால் இறந்திருக்கலாம் என்றனர். உடற்கூறு ஆய்வு செய்யப்பட்ட டால்பினை வாலிநோக்கம் கடற்கரை அருகே வனத்துறையினர் புதைத்தனர்.