பள்ளிப்பாளையம்:பள்ளிப்பாளையம் ஆற்றுப்பகுதியில் ஜிலேபி, லோகு, கெளுத்தி, ஆறா உள்ளிட்ட பல வகையான மீன்கள் உள்ளன. குறிப்பாக இப்பகுதி ஆற்றில் உள்ள ஜிலேபி மீன்கள், பொதுமக்களிடம் அதிக வரவேற்பை பெற்றுள்ளது. ஜிலேபி மீன்களை பிடித்து கரைக்கு கொண்டு வந்தவுடன், மக்கள் போட்டி போட்டு வாங்கி செல்கின்றனர். தினமும், 70க்கும் மேற்பட்டோர் பரிசலில் ஆற்றுக்கு சென்று வலைபோட்டு மீன் பிடிக்கின்றனர். ஒவ்வொருவருக்கும், 15 கிலோ வரை மீன்கள் சிக்குகிறது.