குமாரபாளையம்;குமாரபாளையம் மற்றும் சுற்றுப்புற பகுதியில், நேற்று முன்தினம் மாதாந்திர பராமரிப்பு பணிக்காக, காலை, 9:00 முதல் மாலை, 5:00 மணி வரை மின் நிறுத்த அறிவிப்பு வெளியிட்டனர். ஆனால், இரவு, 8:40 மணிக்குத்தான் மின் இணைப்பு கொடுக்கப்பட்டது. இதனால் விசைத்தறி, கைத்தறி, ஸ்பின்னிங், டபுளிங் உள்ளிட்ட பல்வேறு தொழில் நிறுவனங்கள் பாதிப்புக்குள்ளாகின. இரண்டாவது நாளாக, நேற்றும் சில பகுதிகளில் தொடர்ந்து, காலை, 7:00 முதல், 11:00 மணி வரையும்; மாலை, 3:00 முதல், மாலை, 5:40 மணி வரையும் மின்சாரம் துண்டிக்கப்பட்டது. இதனால் குமாரபாளையம் மக்கள் கடும் இன்னல்களுக்கு ஆளாகினர்.