இங்குள்ள துணை மின் நிலையத்தில் இருந்து கச்சைக்கட்டி எல்லையூர், ராமையன்பட்டி, தாதம்பட்டி, சானாம்பட்டி என ஏராளமான கிராமங்களுக்கு மின் விநியோகம் செய்யப்படுகிறது. இதில் உள்ள டிரான்ஸ்பார்மர் 2 வாரங்களுக்கு முன் பழுதடைந்தது. இன்றுவரை அது சரி செய்யப்படாததால் மின்விநியோகம் பெறும் கிராமங்களில் அடிக்கடி மின்தடை ஏற்படுகிறது.

இதனால்நெல் கொள்முதல் மையங்கள், ஆடை உற்பத்தி தொழில்கள் பாதித்துள்ளது. விவசாய மோட்டார்கள் துவங்கி, வீடுகளிலும் மின் மோட்டார்கள் இயங்க முடியாத நிலை உள்ளது.

தேர்வுக்கு தயாராகும் மாணவர்கள் சிரமப்படுகின்றனர். பகலில் வெயில், இரவில் மின்தடையால் மன, உடல் புழுக்கத்தில் துாங்க முடியாமல் தவிக்கின்றனர்.

மின்வாரிய அதிகாரிகள் கூறுகையில், ''தற்காலிகமாக அருகேயுள்ள மின் நிலையங்களில் இருந்து சுழற்சி முறையில் மின்சாரம் வழங்கப்படுகிறது, புதிய டிரான்ஸ்பார்மார் விரைவில் அமைக்கப்படும் என்றனர்.