கடவரப்பள்ளி காரக்குப்பம், நாச்சிகுப்பம், வேப்பனஹள்ளி மற்றும் சுற்றுவட்டார பகுதி பக்தர்கள் நீண்ட வரிசையில் காத்திருந்து சுவாமி தரிசனம் செய்தனர். பக்தர்கள் நகை, வேல், சேவல், கோழிகளை கோவிலுக்கு தானமாக வழங்கி நேர்த்திக்கடன் செலுத்தினர்.இதேபோல், கிருஷ்ணகிரி காட்டிநாயனப்பள்ளி முருகன் கோவிலில், வைகாசி விசாகத்தை முன்னிட்டு முருகனுக்கு சிறப்பு அபிஷேகம் மற்றும் பூஜை செய்து வழிபாடு நடந்தது. சிறப்பு அலங்காரத்தில் முருகன் பக்தர்களுக்கு அருள்பாலித்தார். மாவட்டம் முழுவதுமுள்ள முருகன் கோவில்களில் நேற்று சிறப்பு வழிபாடுகள் நடந்தன.* கெலமங்கலம் அடுத்த ஜெக்கேரி பஞ்., உட்பட்ட சின்னட்டி கிராமத்தில், சின்ன பழனி பாலமுருகன் கோவில் உள்ளது. இங்கு நேற்று காலை முருகபெருமானுக்கு, 108 லிட்டர் பால் அபிஷேகம், பஞ்சாமிர்த அபிஷேகம், லட்சார்ச்சனை நடந்தது.