போச்சம்பள்ளி ஒழுங்குமுறை விற்பனை கூடத்தில், இ--நாம் முறையில் கொப்பரை தேங்காய் ஏலம் நடந்தது. இதில், 1,643 கிலோ கொப்பரை தேங்காய்கள், கிலோ ஒன்றுக்கு அதிகபட்சம், 132.32 ரூபாய்க்கும், குறைந்தபட்சம், 70 ரூபாய்-க்கும், சராசரியாக கிலோ ஒன்று, 126.89 ரூபாய்க்கு -விற்பனையானது. அதன்படி, 2.02 லட்சம் ரூபாய்க்கு விற்பனை நடந்தது.

போச்சம்பள்ளி ஒழுங்குமுறை விற்பனை கூட கண்காணிப்பாளர் அருள்வேந்தன் கூறுகையில், ''இங்கு தேசிய மின்னணு வேளாண் சந்தை, இ--நாம் முறையில், விவசாய விளைப்பொருட்கள் விற்பனை செய்யப்படுகிறது. இங்கு விற்பனை செய்யப்பட்டு அதற்கான தொகை உடனடியாக விவசாயிகளின் வங்கி கணக்கில் செலுத்தப்பட்டது.

கொப்பரை, பருத்தி மட்டுமின்றி இந்த ஆண்டில் இருந்து நெல் ஏலமும், மின்னணு வர்த்தக முறையில் நடக்க உள்ளதால், நெல் விவசாயிகள், இந்த வாய்ப்பை பயன்படுத்தி கொள்ளலாம்,'' என்றார்.