ஓசூர்: கிருஷ்ணகிரி லோக்சபா தேர்தலில், அ.தி.மு.க., வேட்பாளராக ஜெயப்பிரகாஷ் போட்டியிடுகிறார். மாவட்டம் முழுவதும் கட்சி நிர்வாகிகளுடன் சென்று, தேர்தல் பிரசாரம் மேற்கொண்டு வரும் இவர், ஊத்தங்கரை தொகுதியில் வயலில் இறங்கி, அங்கு வேலை செய்த பெண்களை சந்தித்து ஓட்டு சேகரித்தார். பர்கூரில் உள்ள ஒரு டீக்கடையில், வாக்காளர்களுக்கு டீ போட்டு கொடுத்து ஓட்டு சேகரித்தார். ஓசூர் அடுத்த சானமங்கலம் கிராமத்தில், மேற்கு மாவட்ட செயலாளர் பாலகிருஷ்ணாரெட்டியுடன் சேர்ந்து, மாட்டு வண்டியை ஓட்டியவாறு வீதிகள் தோறும் சென்று, வேட்பாளர் ஜெயப்பிரகாஷ் இரட்டை இலை சின்னத்திற்கு ஓட்டு சேகரிப்பில் ஈடுபட்டார். பெண்கள் பலர் ஆரத்தி எடுத்து வரவேற்பு கொடுத்தனர்.