தேன்கனிக்கோட்டை:தேன்கனிக்கோட்டை அடுத்த அகலக்கோட்டை அருகே வசிப்பவர் முத்தப்பா, 70; விவசாயி. இவருக்கு சொந்தமான கன்றுகுட்டியை கடந்த சில மாதங்களுக்கு முன், ஒற்றை யானை தாக்கி கொன்றது. இந்நிலையில், நேற்று முன்தினம் இரவு, 11:00 மணிக்கு, அப்பகுதியில் உள்ள பாறை பகுதியில் இருந்து கடும் சத்தம் கேட்டது. வீட்டிலிருந்த பொதுமக்கள் கடும் அதிர்ச்சியடைந்தனர். நேற்று காலை அப்பகுதி பொதுமக்கள் சத்தம் வந்த பகுதிக்கு சென்று பார்த்த போது, முத்தப்பா வளர்த்து வந்த நாய், தலை சிதறி இறந்து கிடந்தது.