ஓசூர், கிருஷ்ணகிரி லோக்சபா தேர்தலில், 100 சதவீதம் ஓட்டளிப்பு குறித்த விழிப்புணர்வு மற்றும் 'தேர்தல் திருவிழா தேசத்தின் பெருமை' என்ற இலக்கை நோக்கிய நடைபேரணி நேற்று நடந்தது. ஓசூர், காமராஜ் காலனி விளையாட்டு மைதானத்தில் இருந்து துவங்கிய நடைபேரணியை, மாவட்ட கலெக்டரும், தேர்தல் அலுவலருமான சரயு கொடியசைத்து துவக்கி வைத்து, பொதுமக்களுக்கு ஓட்டளிப்பதன் அவசியம் குறித்த துண்டு பிரசுரங்களை வழங்கினார். காமராஜ் காலனி சாலை, தாலுகா அலுவலக சாலை வழியாக சென்ற பேரணி, சப் கலெக்டர் அலுவலகத்தில் நிறைவு பெற்றது. பேரணியில் பங்கேற்ற மாணவ, மாணவியர், ஆராதனா தொண்டு நிறுவன பிரதிநிதிகள், வருவாய்த்துறை ஊழியர்கள், வாக்களிப்பதன் அவசியம் குறித்த பதாகைகளை கையில் ஏந்திச் சென்றனர்.