செண்பகராமன்புதுார் - ஆரல்வாய்மொழி தேசிய நெடுஞ்சாலையில் கரிமேனி பொத்தை என்ற இடத்தில் சாஸ்தா கோவில் உள்ளது. பூதப்பாண்டி வனச்சரகத்திற்கு உட்பட்ட இப்பகுதியில் பாறைகளும், புதர்களும் அடர்ந்து காணப்படுகின்றன.

இந்த பகுதி வழியாக நேற்று காலை நடைபயிற்சி மேற்கொண்டவர்கள், பாறை மீது சிறுத்தை அமர்ந்திருந்ததை பார்த்து பதற்றமடைந்து ஓட்டம் பிடித்தனர். சிலர் அதை மொபைலில் படம் எடுத்து வெளியிட்டனர்.

வழக்கமாக குமரி மாவட்டத்தில் சிறுத்தைகள் இதுவரை தென்படாத நிலையில், அந்தப் பகுதியில் சிறுத்தைகள் மறைந்துள்ளனவா என,வனத்துறையினர் ஆய்வு செய்தனர்.