ஈரோடு:கோவையில் இருந்து ஏற்கனவே ஈரோடு வழியே சேலத்துக்கு 'மெமு' ரயில் பகலில் இயக்கப்பட்டது. ஆனால் மக்களிடையே வரவேற்பு இல்லாததால், 4 ஆண்டுக்கு முன் நிறுத்தப்பட்டது. அதன் பின் நீண்ட நாட்களாக பொதுமக்கள், பல்வேறு அரசியல் கட்சியினர், தன்னார்வ அமைப்புகள், கோவை-சேலம் இடையே ஈரோடு வழியே ரயில் இயக்க கோரிக்கை விடுத்து வந்தனர். இந்நிலையில் ரயில்வே நிர்வாகம் ஈரோடு-சேலம் இடையே புதிதாக, இன்று முதல் 'மெமு' ரயிலை இயக்குகிறது. இதனால் கோரிக்கை விடுத்த அனைத்து தரப்பினரும் மகிழ்ச்சி அடைந்துள்ளனர்.