வரத்து கழகத்தின், ஈரோடு மண்டலத்தில் இருந்து புதிதாக, எட்டு பஸ்கள் இயக்க துவக்க விழா நடந்தது.

ஈரோடு மண்டல அரசு போக்குவரத்து கழகத்துக்கு, ஒன்பது நகர்புற பஸ்கள், 36 புறநகர் பஸ்கள் என, 45 பஸ்கள் ஒதுக்கீடு செய்யப்பட்டு, வழித்தடங்களில் இயக்-கப்படுகிறது. கடந்த ஜூலை, 17 ல் புதிதாக, 15 பஸ்களும், கடந்த செப்., 12ல் புதிதாக, 5 பஸ்களும் துவக்கி வைக்கப்பட்-டது. இந்நிலையில் நேற்று ஈரோடு - கோவைக்கு 'ஈரோ-100 நான் ஸ்டாப்' பஸ்கள், 5, கோவை - சேலம் '1டூ1' பஸ்கள், 3 என, எட்டு பஸ்களை வீட்டு வசதித்துறை அமைச்சர் முத்துசாமி கொடியசைத்து துவக்கி வைத்தார்.ஒரு பஸ்ஸின் விலை, 44 லட்சம் ரூபாய் என, 3.52 கோடி ரூபாய் மதிப்பிலான பஸ்களின் இயக்கம் துவக்கி வைக்கப்பட்டது. தவிர ஈரோடு மாவட்டத்தில், 37 புறநகர் பஸ்கள், 2 நகர பஸ்கள் புனரமைக்கப்பட்டு, புதிய தோற்ற பொலிவுடன் வழித்தடங்களில் இயக்கி வைக்கப்பட்டது.

ஈரோடு எம்.பி., பிரகாஷ், மாநகராட்சி மேயர் நாகரத்தினம், ஆணையர் மணீஷ் ஆகியோர் முன்னிலை வகித்தனர். துணை மேயர் செல்வராஜ், மண்டல தலைவர்கள் சசிகுமார், தண்ட-பாணி, கோவை மேலாண்மை இயக்குனர் ஜோசப் டயஸ் உட்பட பலர் பங்கேற்றனர்.இதனை தொடர்ந்து சூரம்பட்டி அணைக்-கட்டில் இருந்து, நஞ்சை ஊத்துக்குளி வாய்க்கால் பாசனத்துக்கு அமைச்சர் முத்துசாமி தண்ணீரை திறந்து வைத்தார். இந்த வாய்க்கால் மூலம், 2,550 ஏக்கர் நிலங்கள் பாசன வசதி பெறும். பின், பெரிய சடையம்பாளையத்தில் பகுதி நேர ரேஷன் கடை-யையும், அமைச்சர் திறந்து வைத்தார்.