சைக்கிள் சின்னத்துக்கு ஓட்டுக்கேட்டு அவர் பேசியதாவது:தாராபுரம் பகுதி வளர்ச்சிக்காக, திருமூர்த்தி அணையின் உபரி நீரை, உப்பாறு அணைக்கு கொண்டு வந்து, 6,500 ஏக்கர் நிலங்கள் பாசனம் பெற வழி செய்வேன். ஆணைமலையாறு - நல்லாறு திட்டத்தை மீட்டெடுப்பேன்.

மூலனுார் பகுதியில் முருங்கை சாகுபடியும், கண்வலி கிழங்கு (செங்காந்தழ்) சாகுபடி அதிகமாக உள்ளது. இவற்றுக்கு உரிய விலை கிடைக்க நடவடிக்கை எடுக்கப்படும். அத்துடன், மூலனுார், வெள்ளகோவில் பகுதியிலேயே முருங்கை பவுடர் உற்பத்திக்கான ஆலை அமைக்க நடவடிக்கை எடுப்பேன்.

வெளிநாடுகளில் இருந்து பாமாயிலை இறக்குமதி செய்து ரேஷன் கடைகளில் வழங்குவதை தடுத்து நிறுத்தி, இப்பகுதியில் உற்பத்தியாகும் தேங்காய் எண்ணெயை ரேஷன் கடைகள் மூலம் வினியோகிக்க மத்திய அரசிடம் வலியுறுத்தி, நடவடிக்கை எடுப்பேன். கிடைக்கும்.

இவ்வாறு பேசினார்.

த.மா.கா., வட்டார தலைவர் காளிதாஸ், நகர தலைவர் கே.பி.சுப்பிரமணியம், பார்த்தசாரதி, சுப்பு, பெரியசாமி, தமிழ்செல்வன், கார்த்திகா, கார்த்திகேயன், சத்தியபிரபு உட்பட பலர் பங்கேற்றனர்.